ვოლოდიმირ ზელენსკი: განდევნეთ ოკუპანტები, განდევნეთ ეს მონები… მათ არასოდეს უნახავთ ათასობით ადამიანი, ვისაც არ ეშინია
განდევნეთ ოკუპანტები, განდევნეთ ეს მონები, – ასე მიმართავს უკრაინის მოსახლეობას, უკრაინის პრეზიდენტი ვოლოდიმირ ზელენსკი, მის მორიგ ვიდეო მიმართვაში.
ზელენსკიმ რამდენიმე უკრაინულ ქალაქსა და მათ მცხოვრებლებს ცალ-ცალკე მიმართა.
,,ამ ვიდეოში მინდა, ცალკე მივმართო უკრაინის ქალაქებსა და ამ ქალაქების მამაც მოსახლეობას. უკრაინის თავისუფალ სამხრეთში, სადაც მზე, მხოლოდ სტუმრების მისასალმებლად ანათებს და არა ტანკებზე, შემთხვევითი სტუმრებისთვის, ბერდიანსკში, კახოვკაში, ენერგოდარში, მელიტოპოლში და რა თქმა უნდა, ხერსონში.
რუსეთის მიერ გამოგზავნილ ამ მონებს, მოედნებზე და ქუჩებში ამდენი თავისუფალი ხალხი არ უნახავთ. მათ არასოდეს უნახავთ ათასობით ადამიანი, ვისაც არ ეშინია მათი. მონები თავისუფლებას აღიქვამენ როგორც ველურობას, როგორც საფრთხეს. ხერსონ, გაუძელი! ჩვენ არასოდეს დავივიწყებთ ამ კადრებს. ჩვენ ყველანი თქვენთან ერთად ვიყავით თქვენს მოედანზე და ქუჩაში, 40 მილიონი უკრაინელი. ჩვენ ყველამ ვიგრძენით, როგორ გინდათ, თავისუფლება დაიბრუნოთ. ყველა ოკუპანტს, ვინც ხერსონის მშვიდობიან მოსახლეობას ესროლა, ლურჯი და ყვითელი ფერის გამო, შავი ფერის ლენტი ექნება. იგივე ელით შიშისგან ფერმკრთალ რუს სამხედროებს ენერგოდარში, ბერდიანსკში, მელიტოპოლსა და კახოვკაში. ჩვენ ვაიძულებთ მათ, დაიმახსოვრონ, რომ არასოდეს მიესალმებიან და ისინი არასოდეს იქნებიან კიევში, რომელიც მამაცურად და დიდებულად დგას დნეპრზე. ხარკოვი…. ამაყი, მოწესრიგებული, განათლებული ხარკოვი, უძველესი ჩერნიგოვი, რომელიც ურდოს დროიდან დღემდე, არ შეხვედრია რუსი სამხედროების მიერ ჩადენილ მსგავს სისასტიკეს. მარიუპოლი! შრომისმოყვარე და პატიოსანი ქალაქი! მარიუპოლი, ქალაქი, რომელსაც ოკუპანტები უბრალოდ ანადგურებენ, ფერფლამდე ანადგურებენ, მაგრამ ყველა გადარჩება. უღირსი მონები, რომელთაც არ იციან, როგორ მოუარონ საკუთარ ქვეყანას, საკუთარ ხალხს და სხვასთან მიდიან. ჩვენ ვიბრძვით ყველა უკრაინელისთვის! ჩვენ ყველა გვახსოვს! ყველას მადლობელი ვართ, ხალხისაც და ამ ლამაზი ქალაქებისაც.
მივმართავ ყველა უკრაინელს, სადაც არ უნდა ვიყოთ, ყველაფერი გავაკეთოთ ჩვენი სახელმწიფოს დასაცავად, ჩვენი ხალხის გადასარჩენად. იბრძოლეთ და დაეხმარეთ. განდევნეთ ეს მონები! განდევნეთ ოკუპანტები!”,- განაცხადა ზელენსკიმ.