(Казан, 2 гыйнвар, «Татар-информ»). Коронавирус белән авыручылар арту сәбәпле, Aida Nova круиз лайнерында 3 мең чамасы кеше калган. Алар Яңа ел төнен Лиссабон тукталышында үткәрергә мәҗбүр булган.
DPA агентлыгына сылтама белән «Известия» хәбәр иткәнчә, алар Мадейра утравында Фуншал порты өстендәге Яңа ел салютын карарга баручылар, әмма судно тиешле урынга килмәгән. Лиссабон порты директоры сүзләренчә, 1,3 меңнән артык экипаж әгъзасының ковидтан тесты уңай булган. Алар барысы да яр буена урнаштырылган, барысында да ковидның җиңелчә формалары ачыкланган.
2,8 мең турист арасында чир йоктыру очраклары юк. Әлегә судноның Канар утравына рейс ясау вакыты билгеле түгел. Шул ук вакытта пассажирлар лайнердан китә ала дип хәбәр ителә.
