Шри-Ланка ҳукумати Эронга қарзи учун чой таклиф қилди, дея хабар бермоқда BBC News плантациялар вазири Рамеш Патҳиранга таяниб.
Шри-Ланка ҳукумати сотиб олинган нефть учун Эронга нақд 251 млн доллар қарздор. Бироқ халқаро санкциялар сабабли бу тўловларни амалга ошира олмайди. Боиси, Эрон банкларига санкциялар туфайли пул ўтказишнинг иложи йўқ. Бу туризм соҳасида жиддий инқирозни бошидан ўтказиб, валюта қийинчиликларига дуч келаётган Шри-Ланка ҳукумати учун айни муддао, боиси, чой БМТнинг биринчи эҳтиёж маҳсулотлари тоифасига киради ва у Эронга нисбатан қўлланилган санкциялар қаторидан жой олмаган.
Маълумот ўрнида айтиш керак, йилига 340 млн кгга яқин чой ишлаб чиқарадиган Шри-Ланка ҳукумати Эронга ҳар ойда 5 млн долларлик чой етказиб бермоқчи.
darakchi.uz