(Актаныш, 17 декабрь, «Татар-информ», « Актаныш-информ»). Актаныш районы башкарма комитеты җитәкчесе Илшат Габделхәев, район прокуроры ярдәмчесе Илмир Габидуллин һәм район хәрби комиссары Ленар Әхмәтҗанов хәрби хезмәткә барудан баш тартучылар белән сөйләшү уздырды. Район хәрби комиссары армиягә чакыру кәгазе алып та җавап бирмәүче, комиссариатка килмәүче егетләргә карата беркетмә төзергә мәҗбүр булган. Район прокуратурасына бу хакта 12 эш тапшырылган. Өч кешегә җинаять эше ачылган. Бу хакта Актаныш муниципаль районының мәгълүмат үзәге хәбәр итә. Нәтиҗәдә хәрби хезмәттән качып йөрүчеләргә саллы гына штрафлар түләргә туры киләчәк.
