მოსკოვში პოლიციამ ცნობილი პანკ-ჯგუფის Pussy Riot-ის წევრი, მარია ალიოხინა დააკავა.
როგორც თავად ალიოხინა ამტკიცებს, მის დაკავების მიზეზი გახდა 2015 წელს „ლუკაშენკასა და სვასტიკების შესახებ გამოქვეყნებული პოსტი“, რისთვისაც მას შეუდგინეს ოქმი ექსტრემისტული სიმბოლიკის საჯარო დემონსტრირების მუხლით.
„ახლა გამოვალ სახლიდან და მე დამაკავებენ, წამიყვანენ პოლიციის განყოფილებაში და მომისჯიან 15 დღე-ღამეს. რისთვის? არაფრისთვის. 2015 წელს ლუკაშენკაზე გამოქვეყნებული პოსტისთვის“, - წერს ალიოხინა ინსტაგრამში.
როგორც „მედიაზონა“ იუწყება, ალიხონამ იცოდა, რომ სახლთან უთვალთვალებდნენ ამიტომ სპეცგამანაწილებლისთვის მოამზადა ჩანთა და დაელოდა ადვოკატისა და ჟურნალისტების მისვლას.
16 დეკემბერს პოლიცაიმ ასევე დააკავ მოსკოვის ბასმანის რაიონის დეპუტატი ლიუსია შტეინი. მასაც ანალოგიური მუხლით შეუდგინეს ადმინისტრაციულ სამართალდარღვევათა ოქმი. მუხლი ითვალისწინებს ადმინისტრაციული პატიმრობას 15 დღე-ღამით. მიზეზი გახდა 2018 წლის კარიკატურა, რომელზეც შტეინი სვასტიკიანი სამხედრო ქუდით („ფურაჟკით“) არის გამოსახული.
ალიოხინა ცნობილი გახდა მას მერე, რაც ის დააკავეს Pussy Riot-ის მიერ ეკლესიაში პანკ-ლოცვის შესრულების გამო ნადეჟდა ტოლოკონიკოვასთან ერთად. სასამართლომ მათ თავისუფლების აღკვეთა მიუსაჯა ხულიგნობის მუხლით.
მიმდინარე წლის სექტემბერში მოსკოვის პრიობრაჟენსკის სასამართლომ აქტივისტ მარია ალიოხინას მიუსაჯა თავისუფლების შეზღუდვა ერთი წლით ე. წ. სანიტარული საქმის გამო.
Pussy Riot-ის წევრი დამნაშავედ ცნეს სანიტარულ-ეპიდემიოლოგიური წესების დარღვევაში მისი პოსტის გამო, სადაც მოუწოდებდა ხალხს, გასულიყვნენ 23 იანვრის აქციაზე. ბრალდება ამტკიცებს, რომ ალიოხინას მოწოდებამ კორონავირუსით მასობრივი დაავადების საფრთხე შექმნა. ალიოხინამ დანაშაული არ აღიარა.