Raymond Johansen har fått bekrefta at han er smitta med omikron-varianten.
Det opplyser byrådssekretær Kaia Storvik (Ap) til NTB.
– Alle nærkontaktar er informerte og blir oppmoda til å følgja gjeldande smittevernreglar for omikron, som er annleis og strengare enn ved normalt utbrot, seier Storvik.
Storvik seier at ho ikkje har den totale oversikta over kor mange som har hamna i karantene på grunn av byrådsleiaren, men seier at han ikkje har hatt veldig mange nærkontaktar.
Førebels er det ukjent korleis byrådsleiaren blei smitta.