مسکو: د طالبانو حکومت په رسمیت پېژندنه د شانګهای سازمان اجنډا کې شامله نهده
د تاس خبري اژانس د راپور له مخې، د شانګهای همکارۍ سازمان لپاره د روسیې استازي بختیار حکیموف پرون (پنجشنبه) په یوه انلاین کنفرانس کې وویل: "طالبان په روسیه کې د یوه ترورېستي تحریک په توګه غیر قانوني دي، خو اوس دا یو حقیقت دی چې د طالبانو تحریک واک په لاس کې لري. نوی موقت حکومتیې جوړ کړی. په اوس وخت کې په اجنډا کې د دوی د رسمیت پېژندلو مسئله نهده مطرح، خو له هغو کسانو سره چې واک ته رسېدلي دي، د دې لپاره چې هغوی په رغنده دیالوګ کې شامل شي، تماسونه نیول کېږي."
ده دا هم وویل چې د شانګهای د همکارۍ سازمان له افغانستان سره د اقتصادي رغونې او په سیمهییزې همکارۍ کې د ګډون لپاره ملګرتیا ته تیار دی.