د ناټو پوځي کمېټې د غوڅ ملاتړ ماموریت له خپلو شریکانو سره د افغانستان د روانو حالاتو او د خپل منځي همغږیو په اړه ځانګړې غونډه وکړه.
د ناټو له اعلامیې سره سم، په دې فوق العاده غونډه کې همدا راز له افغانستانه د تخلیې په اړه هم خبرې وشوې.
له کله چې طالبانو کابل نیولی، ناټو او متحدان یې د کابل نړیوال هوايي ډګر کې د عملیاتو د جاري ساتلو او د ناټو، د دې تړون د متحدانو او نورو د ایستلو په اړه هره ورځ غونډې کوي.
د ناټو پر اساس، دا تړون او متحد هېوادونه یې د وروستیو پېښو پر وړاندې د ګډ ځواب لپاره پر همږغۍ کار کوي.
د ناټو د بهرنیو چارو وزیران نن جمعه یوه فوق العاده غونډه لري.
