QMC Prokuraturasınıñ başı Yuqarı Rada Komitetine Qırımda jurnalistlerniñ aqlarınıñ bozuluvı aqqında aytıp berdi
Ponoçovnıy, çıqışı vaqtında, yedi yıllıq işğalniñ Qırımda mustaqil medianıñ yoq olmasına, işğalci devlet tarafından malümat nezaret etilmesine ve Rusiye mediasınıñ total propagandasına sebep olğanını ayttı. Ukraina ve çetel haber vastaları aqlarınıñ ciddiy şekilde bozulmasına oğratıldılar. Bugünde-bugün muhtariyetniñ qanun qoruyıcı organları Qıırmda jurnalistlerniñ ve diger media temislcileriniñ aqlarınıñ bozulması ile bağlı 42 fakt üzre 22 cinayet davasını tahqiq eteler.
«Cinayet davalarında jurnalistlerniñ ve olarnıñ aileleriniñ qanunsız cinayet taqiplerine, qanunsız tintüvler keçirilüvine, tevqif etilüvlerine dair pek çoq deliller qayd etildi. Bu faktlar, muhtariyet prokuraturasınıñ Ukraina Helsinki insan aqları birligi ile beraberlikte 2021 senesi fevral ayında Halqara cinayet mahkemesi prokuraturasına yollanılğan malümat beyanatınıñ esasını teşkil etti», – Ponoçovnıynıñ aytqanlarından alıntı.
İyünniñ 6-nda Ukraina TİN Jurnalist künü munasebeti ile Server Mustafayev, Timur İbragimov, Marlen Asanov, Seyran Saliyev, Remzi Bekirov, Ruslan Suleymanov, Osman Arifmemetov, Rustem Şeyhaliyev, Amet Suleymanov bugünde Qırımda Rusiye akimiyeti tarafınndan tefqif etilgenini hatırlattı.