(Казан, 25 июнь, «Татар-информ»). Иртәгә Татарстанда эссе һава торышы саклана. Көндез термометр баганасы +36 градуска кадәр күтәрелергә мөмкин, дип хәбәр итә ТР Гидрометеорология үзәге матбугат хезмәте.
Алмашынучан болытлы һава торышы көтелә, урыны белән кыска вакытлы яңгыр, яшен, урыны белән боз явачак. Җил төньяк-көнбатыштан, яшенле яңгыр вакытында секундына 15-20 метрга, урыны белән секундына 23 метрга кадәр җитәчәк.
Төнлә +17дән +22 градуска кадәр җылы була.
Синоптиклар бүген көндез Татарстанда һава температурасы 37 градуска җитәчәк, дип кисәтте. Аномаль эсселек киләсе атнада да сакланачак дип фаразлана.
