Кинеската амбасада во Лондон го осуди заедничкото соопштение на лидерите на Групата 7 (Г7) наведувајќи дека смета оти се работи за грубо мешање во внатрешните работи на земјата и обвинувајќи ја групата за „политички манипулации“ откако тие го критикуваа Пекинг за односот кон човековите права во покраината Ксиџијанг и во Хонгконг.
Макрон го пофали враќањето на САД на светската сцена
Кина се соочува со зголемени меѓународни критики за политиките во Ксиџијанг, а Соединетите Американски Држави го користат зборот геноцид за да го опишат третманот на Ујгурите и други муслимани во таа покраина.
"Ќе ги застапуваме нашите вредности, вклучително со повикување до Кина да го почитува основните слободи, особено во Ксиџијанг и нивните права и високиот степен на автономијата на Хонгконг“, се наведува во заедничкото соопштение на групата 7 најбогати земји.
Г7 со инфраструктурен план за земјите во развој
Од амбасадата на Кина во Обединетото кралство, каде што се сретнаа лидерите на Г7, наведуваат дека тие треба „да сторат повеќе за промовирање на меѓународната соработка, наместо да создаваат вештачки конфронтации“. Во групата седум се Канада, Франција, Германија, Италија, Јапонија, Велика Британија и САД.
