ИМА фурӯши аслиҳаро ба Исроил тасдиқ кард
Нашрия навиштааст, бархе аз демократҳои Конгресси ИМА аз фурӯши аслиҳа ба Исроил нигарон ҳастанд. Ба бовари онҳо, фурӯши аслиҳа метавонад, вазъи Шарқи Наздикро печидатар гардонад.
Нашрияи The Washington Post менависад, Исроил аслиҳаи дақиқ ба ҳадафрасанда дорад. Низомиёни Исроил мегӯянд, зарбаҳои ҳавоии онҳо ба иншооти "Ҳамос" дар Навори Ғазза дақиқ ба ҳадаф мерасанд.
Ҳамлаҳои Исроил ба Навори Ғазза аз 10-уми май то ин замон идома доранд. "Ҳамос" ба Исроил бештар аз 3 ҳазор мушак партоб карда, Исроил дар иваз бештар аз 1000 зарбаи дақиқ задааст.
Мақомоти Фаластин гуфтанд, аз 10 май то имрӯз дар Ғазза 192 кас, аз ҷумла 58 кӯдак ҷон бохтааст. Дар Исроил дар натиҷаи зарбаҳои Ҳаммос 10 кас фавтидааст.
Талоши ҷомеаи ҷаҳонӣ барои барқарории сулҳ ҳанӯз натиҷае наовардааст.