Իսրայելի գլխավոր սեֆարդյան րաբբին հրեաներին կոչ է անում չհարձակվել իրենց արաբ հարևանների վրա
Իսրայելի երկու գլխավոր րաբբիներից մեկը՝ գլխավոր սեֆարդյան րաբբի Յիցակ Յոսեֆը, չորեքշաբթի իսրայելցի հրեաներին կոչ է արել չհարձակվել իրենց արաբ համաքաղաքացիների վրա՝ ի պատասխան վերջիններիս կողմից աճող բռնության: Այս մասին հայտարարել է իսրայելական հեռուստատեսության յոթերորդ ալիքը, գրում է ТАСС-ը:
«Իսրայելում անմեղ խաղաղ բնակիչները ենթարկվում են ահաբեկչական կազմակերպությունների հարձակմանը, կրքերը եռում են, և մեր սրտերը վրդովմունքով են լցվում, դժվար է դիտել, թե ինչ է կատարվում», - ասել է սեֆարդյան գլխավոր րաբբին,- «սակայն մենք չպետք է ենթարկվենք սադրանքների, հարձակվենք մարդկանց վրա կամ վնասել ունեցվածքը…»:
Յոսեֆն իր համաքաղաքացիներին հորդորել է չդիմել ինքնադատաստանի և չփորձել վրեժ լուծել, ինչպես եղավ Լոդ քաղաքում, որտեղ արաբների անկարգություններից և սինագոգների վրա հարձակումներից հետո հաղորդվում էին հրեաների կողմից հարձակման դեպքերի մասին:
«Կարգը վերականգնելու հոգը պետք է թողնել ոստիկանությանը», - ասել է նա,- «Մենք պետք է լույս լինենք այլ ժողովուրդների համար, և ոչ թե հակառակը»: