Актанышта «Куркынычсыз тәгәрмәч-2021» республика бәйгесе җиңүчеләрен бүләкләделәр
(Актаныш, 5 май, «Татар-информ», « Актаныш таңнары »). Бүген икенче санлы Актаныш урта мәктәбендә Дәүләт автоинспекциясенең 85 еллыгына багышлап уздырылган «Куркынычсыз тәгәрмәч-2021» республика конкурсының район этабы җиңүчеләрен бүләкләү тантанасы узды.
1-3 нче урыннарга икенче санлы Актаныш, Аккүз, Мари Суыксу һәм Уразай мәктәпләренең ЮИД отрядлары ия булды. Алар «Юл хәрәкәте куркынычсызлыгы» учреждениясенең махсус бүләкләренә ия булдылар.
Җиңүчеләргә кубок, диплом һәм истәлек бүләкләрен ЮХИДИ идарәсенең профилактика бүлеге җитәкчесе Лена Фазлыева тапшырды.