Real leier etter Clasico-siger
Real Madrid er på topp i La Liga etter 2-1 i gigantmøtet mot Barcelona i ruskeveret i Madrid laurdag kveld. Det var Barcelonas første tap sidan 5. desember, og sidan nyttår har dei 13 sigrar og ein uavgjort. Fram tiol i kveld.
Karim Benzema og Toni Kroos gav Real 2-0 før det var gått ein halv time. Oscar Mingueza reduserte med ein halv time igjen.
Barcelona pressa hardt og hadde store sjansar mot slutten, men makta aldri målet som hadde sendt dei til topps. Ilaix Moriba skaut i tverrliggaren med siste spark i kampen.
Thibaut Courtois i Reals mål leverte fleire strålande redningar.
Reals Casimiro blei utvist heilt på slutten etter to gule kort på eitt minutt.
Real har dermed slått Barcelona i begge El Clasico-oppgjera denne sesongen. Dei leier på innbyrdes oppgjer mot Atletico og eitt poeng framfor Barcelona. Atletico skal møte Real Betis søndag.