Qırımda bir künde 4 insan koronavirus yuqunçından vefat etti, dep aytıla Qırımnıñ Rusiye sağlıq nazirliginiñ bir künlik monitoring malümatında.
Umumen pandemiya vaqtında, müessise malümatına köre, Qırımda 1030 insan COVID-19-dan vefat etti.
«1092 insan (COVID-19) ambulator tedaviylevde, 1326 kişi (COVID-19 ve pnevmoniya) hastahanede Buluna. Qırım Cumhuriyeti ve Aqyar şeerindeki Rospotrebnadzor idaresi 37056 COVID-19 hastasını qayd etti. Tüzelgen 34031 kişi yiberildi», – dep aytıla haberde.
Keçken künü Qırımda 56 yañı koronavirus hastası qayd etildi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
