Портпаролите на Европската Комисија (ЕК) денеска објаснуваа пред медиумите за одлуката на Европската унија (ЕУ) да се блокира извозот на вакцини кон трети земји и наведоа дека „Брисел тоа го прави со добра причина“.
Поради тоа што АстраЗенека не ги почитува договорите склучени со ЕК и земјите членки на ЕУ се активира механизмот за блокирање на извоз на дози кон трети земји, објасни Ерик Мамер, портпарол на Европската Комисија, јави МИА од Брисел.
Се што треба да знаете за ковид вакцинацијата
„Јасно кажавме дека инсистираме АстраЗенека да ги почитува своите ветувања, претседателката дури го назначи Тиери Бретон за да ги води дискусиите со компаниите, но ова не е прашање само на една компанија, туку на глобална рамнотежа помеѓу извозот и испораката на дози, нашата цел не е да блокираме за да блокираме туку за да се осигураме дека компаниите ќе испорачаат тоа што е предвидено во договорите“, изјави Мамер.
Муслиу: И Северна Македонија е мета на ковид дипломатија
Тој истакна исто така дека АстраЗенека е „екстремно важна“ во стратегијата на вакцинација на ЕУ, но и дека ЕУ има договори со голем број други компании.