აშშ-ის სენატის საგარეო კომიტეტის მაღალი რანგის სენატორები ჯიმ რიში და ჯინ შაჰინი სპეციალურ განცხადებას ავრცელებენ საქართველოში განვითარებულ მოვლენებთან დაკავშირებით:
”ჩვენ ღრმად გვაღელვებს საქართველოში ბოლო დროს განვითარებული პოლიტიკური მოვლენები. საქართველოს ხალხი იმსახურებს კანონის უზენაესობას, დემოკრატიასა და პატიოსან და დამოუკიდებელ სასამართლო სისტემას. ბოლო რამდენიმე წლის განმავლობაში, საქართველოს ოფიციალურ პირებთან ჩვენ არაერთხელ გაგვიმახვილებია ყურადღება პოლიტიკური დევნის პრობლემის შესახებ", - ნათქვამია სენატორების განცხადებაში.
“მიუხედავად იმისა, რომ მოხარული ვართ, ოპოზიციის ლიდერის ნიკა მელიას დაკავების გაუქმების გამო, ამ ტიპის პოლიტიკური დევნა და დაპატიმრებები არასოდეს უნდა მოხდეს. პოლიტიკური სპექტრის ყველა მხარე უნდა დაუბრუნდეს მოლაპარაკებების მაგიდას და განმუხტონ პოლიტიკური ატმოსფერო. ვიმედოვნებთ, რომ ეს პოლიტიკური კრიზისი სწრაფად და მშვიდობიანად დასრულდება”, - აცხადებენ სენატორები რიში და შაჰინი.
