Bloomberg-ის მონაცემებით, საქართველოს 2021 წლისთვის 186,000 მოქალაქისთვის, ანუ მოსახლეობის 5%-ისთვის სამყოფი ვაქცინების შესახებ აქვს კონტრაქტი გაფორმებული.
თუმცა, ვაქცინაციის ეროვნული სტრატეგიის თანახმად, წელს მოსახლეობის 60%-ის, ანუ 1.7 მილიონი ადამიანის აცრა არის დაგეგმილი. თუმცა, მყარად გაფორმებული კონტრაქტის სახე ამ გეგმას ჯერ არ აქვს, რაზეც მისი საპროგნოზო ბიუჯეტიც მეტყველებს. ჯანდაცვის სამინისტროს შეფასებით, ვაქცინაციის კამპანია 64-დან 158 მილიონ ლარამდე დაჯდება – თითქმის 100 მილიონიანი სხვაობა განპირობებულია იმით, რომ მკაფიოდ განსაზღვრული არ არის, საბოლოოდ მასშტაბური ვაქცინაცია რომელი მწარმოებლების ვაქცინებით მოხდება.
რა მონაცემებს დაეყრდნო Bloomberg-ი, როდესაც აღნიშნა, რომ საქართველოს ამ დროისთვის მოსახლეობის 5%-ის სამყოფი ვაქცინების შესყიდვის შესახებ აქვს კონტრაქტი გაფორმებული?
როგორც სტატიის მეთოდოლოგიაში არის ნათქვამი, მათ თითოეული ქვეყნის ვაქცინაციის პროგრამების შეფასებისთვის აიღეს მხოლოდ ის მოცულობები, რომელთა შესახებაც უკვე დადებულია შეთანხმებები. საქმე იმაშია, რომ ქვეყნები ხშირად ვაქცინების შესაძენად “ოფციურ” კონტრაქტებს აფორმებენ. ეს ნიშნავს, რომ X ქვეყანამ შეიძლება დადოს ხელშეკრულება 100,000 დოზა ვაქცინის შესყიდვაზე და ამასთანავე აიღოს “ოფცია” 500,000 დოზის შესყიდვისთვის. Bloomberg-ის სტატიაში წარმოდგენილი ინფორმაცია კი უშუალოდ დაკონტრაქტებული ვაქცინების მოცულობას ეხება.
ვრცლად იხილეთ აქ