Околу 200 мигранти и бегалци кои се наоѓаат во привремениот камп „Липа“, на околу триесетина километри од Бихаќка, на северозапад од Босна и Херцеговина протестираат и бараат помош од меѓународните невладини организации.
Мигрантите ја поминаа Новата година на отворено, откако на 30 декември беа вратени во кампот „Липа“. Четириесет камиони со воени шатори поставени од припадници на вооружените сили на Босна и Херцеговина пристигнаа во „Липа“, врз основа на одлуката на Претседателството на БиХ.
Барањето за поставување воени шатори беше испратено до Министерството за одбрана на БиХ од Министерството за безбедност на БиХ, а истото беше одобрено од Претседателството на БиХ, како врховен командант на вооружените сили на БиХ.
Мигрантите во Босна без засолниште во зима
Мигрантите и бегалците требаше да бидат пренесени со автобуси од Липа на друга локација на 28 декември, откако на 23 декември избувна пожар во привремениот камп за мигранти, во кој изгореа неколку шатори. Претходно, претставниците на Меѓународната организација за миграција (ИОМ) започнаа да го повлекуваат персоналот од кампот, најавувајќи дека ќе ги запрат сите услуги што им ги давале на мигрантите во кампот во последните осум месеци.
На вчерашната седница, Советот на министри на БиХ донесе одлука за сместување на мигранти и бегалци од кампот Липа во објектот Бира во Бихаќка, потврди министерот за безбедност Селмо Цикотиќ за Радио Слободна Европа.
Со одлука на 11 март 2019 година, Советот на министри на БиХ ја одреди локацијата на поранешната фабрика Бира во Бихаќка како привремен приемен центар за сместување на мигранти.
