Бишкекте өрт кырсыгы бир адамдын өмүрүн алды. Бул тууралуу 12-ноябрда Өзгөчө кырдаалдар министрлиги кабарлады.
Мекеменин басма сөз кызматынын маалыматына караганда, окуя Биринчи Май районунун аймагында, Токтоналиев көчөсүндө болгон.
20 чарчы метр вагон толук күйүп кетти. Өрттүн кесепетинен бир эркек киши каза болду. Куткаруучулар маркумдун сөөгүн милиция кызматкерлерине өткөрүп беришти.
Кечээтен бери республиканын аймагында 11 өрт кырсыгы катталып, тилсиз жоо менен алышууга өрт өчүрүүчү 12 бөлүм тартылды. (RK)