სალომე ზურაბიშვილი: მივმართავ პოლიტიკურ პარტიებს …
საქართველოს პრეზიდენტი, სალომე ზურაბიშვილი ზუგდიდში განვითარებულ მოვლენებს ეხმაურება და აცხადებს, რომ ასეთ სიტუაციაში დამატებითი დაძაბულობის ხელოვნურად შექმნა დაუშვებელია.
პრეზიდენტი ასევე მოუწოდებს, მედიასაშუალებებს, გაითვალისწინონ სამართალდამცავი ორგანოების თხოვნა ინფორმაციის გავრცელებასთან დაკავშირებით.
„მივმართავ პოლიტიკურ პარტიებს – იმ დროს, როცა ადამიანების სიცოცხლე სასწორზე დევს და სამართალდამცავები, ამ ურთულესი მდგომარეობის მსხვერპლის გარეშე განმუხტვას ცდილობენ, ნებისმიერი დამატებითი დაძაბულობის ხელოვნურად შექმნა დაუშვებელია, ართულებს სამართალდამცავების ამოცანას და საფრთხეს უქმნის მძევლების მშვიდობიან გათავისუფლებას.
ასევე, მოვუწოდებ მედიასაშუალებებს, გაითვალისწინონ სამართალდამცავი ორგანოების თხოვნა და ინფორმაცია საზოგადოებას მიაწოდონ ისე, რომ არ შეაფერხონ ოპერატიული მოქმედებები”, – ნათქვამია პრეზიდენტის ადმინისტრაციის მიერ გავრცელებულ ინფორმაციაში.