Бишкек шаарынын тургуну Саламат Бактыбек кызы кагаздан түркүн түс гүл жасап, айланасын көрккө бөлөйт. Карантин учурунда ал гүлдөрүн ыктыярчыларга берип, жашоо-турмуштан кыйналып тургандарга өзгөчө маанай тартуулады. Саламаттын кажыбас кайратын, балалык кыялын орундатууга болгон далалатын колдогон мекендештери анын бутуна протез алганга каражат топтой башташты.