Գերմանիայում մինչև սեպտեմբեր երկրպագուների մուտքը մարզադաշտեր կարգելվի
Մասսայական միջոցառումները, այդ թվում՝ ֆուտբոլային հանդիպումները, Գերմանիայում արգելքի տակ կլինեն մինչև օգոստոսի 31-ը կորոնավիրուսի համավարակի պատճառով։ Այս մասին հայտնում է AFP-ն։
Այս մասին այսօր հայտարարվել է Գերմանիայի կանցլեր Անգելա Մերկելի՝ երկրի վարչապետի հետ այսօր ունեցած հանդիպումից հետո։
Սա նշանակում է, որ երկրպագուները նվազագույնը մինչև սեպտեմբեր չեն կարողանա այցելել գերմանական մարզադաշտեր։
Միևնույն ժամանակ Բավարիայի վարչապետ Մարկուս Զեդերը հավանական է համարել Գերմանիայի առաջնության անցկացումը դատարկ տրիբունաների ներքո։
«Բունդեսլիգայի հարցն այսօր չի քննարկվել։ Լիգան այս պահին աշխատանքներ է տանում ու շուտով հաստատ խոսելու թեմա կլինի․ արդյոք հնարավոր կլինեն փակ դռների ներքո խաղեր անցկացնելն ու թե ինչ ձևաչափով»,- ասել է Զեդերը։
Գերմանիայի առաջնությունը հետաձգվել է մինչև ապրիլի 30-ը։ Գերմանական ֆուտբոլային լիգան ապրիլի 23-ին մտադիր է քննարկել հետագա քայլերը․ ծրագրվում է մրցաշրջանը ավարտել մինչև հունիսի 30-ը։