საფეხბურთო კლუბ „მანჩესტერ სიტის“ მთავარი მწვრთნელის, ხოსეპ გვარდიოლას, დედა კორონავირუსით გარდაიცვალა. 82 წლის დოლორეს სალას COVID-19-ის დიაგნოზი გასულ კვირაში ბარსელონაში დაუსვეს და კლინიკაში გადაიყვანეს, დღეს კი „მანჩესტერ სიტის“ ოფიციალურმა ვებსაიტმა მისი სიკვდილის შესახებ გაავრცელა განცხადება.
გვარდიოლამ კორონავირუსთან ბრძოლაში თავისი წვლილი ორი კვირის წინ შეიტანა სოლიდური ფინანსური დახმარებით. ორმოცდაცხრა წლის კატალონიელმა სპეციალისტმა სწორედ კატალონიის ერთ-ერთ საქველმოქმედო ფონდში გადარიცხა მილიონი ევრო.
