Վայոց ձորում 52-ամյա վարորդը Nissan-ով բախվել է քարերին ու կողաշրջվել, կա վիրավոր. Shamshyan.com
Երեկ՝ դեկտեմբերի 20-ին խոշոր ավտովթար է տեղի ունեցել Վայոց ձորի մարզում. տեղեկացնում է shamshyan.com-ը։
Ժամը 12:30-ի սահմաններում, Եղեգնաձոր քաղաքի բնակիչ, 52-ամյա Ալլա Ալեքսանյանը՝ իր վարած Nissan մակնիշի 67 AL 333 համարանիշի ավտոմեքենայով, Երևան-Մեղրի ավտոճանապարհի 132 կմ հատվածում, դուրս է եկել ճանապարհի երթևեկելի գոտուց, բախվել քարերին և կողաշրջվել:
Ինչպես հայտնում է ֆոտոլրագրող Գագիկ Շամշյան, վթարի հետևանքով վարորդ Ա. Ալեքսանյանը մարմնական վնասվածքներով տեղափոխվել է «Եղեգնաձոր» բժշկական կենտրոն:
Դեպքի վայր են ժամանել Ճանապարհային ոստիկանության 2-րդ սպայական գումարտակի 6-րդ վաշտի 1-ին դասակի ծառայողները՝ նույն վաշտի հետաքննիչ Սիրեկանյանի գլխավորությամբ, ում կողմից փաստի առթիվ նյութեր են նախապատրաստվում:
Գ. Շամշյանի տեղեկություններով, վարորդ Ա. Ալեքսանյանը անհատ ձեռներեց է: