ИЗОҲГА ҲОЖАТ ЙЎҚ… (ҳажвия)
Аёл: — Азизим, мен сенга бир гап айтмоқчийдим.
Эркак: (Қизиққаннамо жимжитлик)
Аёл: — Биласанми… Мен севиб қолдим…
Эркак: (Эҳтиёткорона жимжитлик)
Аёл: — Йўқ, сенимас.
Эркак: (Гиналанганнамо жимжитлик)
Аёл: — Ҳа… Менинг ўзим ҳам афсусдаман…
Эркак: (Мулаҳазали жимжитлик)
Аёл: — У ким эканини билгинг келяптими?
Эркак: (Тасдиқлаганнамо жимжитлик)
Аёл: — У Саша.
Эркак: (ижирғанганнамо жимжитлик)
Аёл: — Йўқ, у сен ўйлаган Сашамас… Болаликдаги дўстингмас… У умуман эркак эмас…
Эркак: (Тушунмаганнамо жимжитлик)
Аёл: — У… Қўшни аёл…
Эркак: (Ҳайратланганнамо жимжитлик)
Аёл: — Ҳа, мен уни анчадан бери севаман.
Эркак: (Афсусланганнамо жимжитлик)
Аёл: — Ҳа, у ҳам мени севади. У шундай ажойибки…
Эркак: (Кулимсираганнамо жимжитлик)
Аёл: — Сен-чи?.. Сен менга анчадан бери ҳеч нарса совғв қилмай қўйгансан… Ҳеч қаерга олиб бормайсан.
Эркак: — (Безовталанганнамо жимжитлик)
Аёл: — Мен билан бундай оҳангда гаплашма!.. Худойим, нега менга шунақанги эр насиб қилган-а?.. Қуруқ!..
Эркак: (Норозиланганнамо жимжитлик)
Аёл: — Семиз!.. Доим ўзингни ўйлайсан! Сен ҳеч қачон мени севмагансан! Доим хиёнат қилиб келгансан.
Эркак: (Намойишкорона жимжитлик)
Аёл: — Ярамас! Мараз!.. Эшак!..
Эркак: (Хафаланганнамо жимжитлик)
Аёл: — Пиёниста! Ўн йилдан бери ароқ ичасан!..
Эркак: (Хўрсинганнамо жимжитлик)
Аёл: — Бўлди, кетаман! Тўйдим!..
Эркак: (Қўрқиб кетганнамо жимжитлик)
Аёл: — Ҳа, кетаман! Ортиқ тоқатим етмайди!
Эркак: (Ялинганнамо жимжитлик)
Аёл: — Ҳа, ёқмадими? Қўрқиб кетдингми?
Эркак: (Арзланганнамо жимжитлик)
Аёл: — Майли, қўрқма, ҳозирча кетмайман.
Эркак: (Қувонганнамо жимжитлик)
Аёл: — Хўп, хафа бўлаверма!.. Биласанми, Саша ҳам сен ҳақингда доим яхши гапларни гапиради. Эри сенга ўхшамаганига афсусланади… Уф-ф… Ҳақиқатан… Менга қара, ҳамма эрлар ҳам қанийди сенга ўхшаса… Соқов, жойидан қимирлай олмайдиган, бунинг устига сендақанги бой бўлишса-а?..
Эркак: (Мурдаланганнамо жимжитлик)
Олимжон ҲАЙИТ тайёрлади