ირანმა განაცხადა, რომ ტრამპის „არაპროგნოზირებადმა“ პოლიტიკამ შესაძლოა თეირანს მსგავსი პასუხებისკენ უბიძგოს

ირანმა განაცხადა, რომ რჩება ბირთვული იარაღის გაუვრცელებლობის ხელშეკრულების ერთგული, მაგრამ აშშ-ის პრეზიდენტ დონალდ ტრამპის „არაპროგნოზირებადმა“ პოლიტიკამ შესაძლოა თეირანს მსგავსი პასუხებისკენ უბიძგოს. 21 აგვისტოს სტოკჰოლმში მშვიდობის საკითხების კვლევის საერთაშორისო ინსტიტუტში გამოსვლისას ირანის საგარეო საქმეთა მინისტრმა ჯავად ზარიფმა ასევე გააფრთხილა ირანის მეზობლები, რომ დასავლური შეიარაღება ვერ დაეხმარება სპარსეთის ყურეში სტაბილურობის დამყარებას.


ვაშინგტონსა და თეირანს შორის დაძაბულობა გამწვავდა მას შემდეგ, რაც ტრამპი გამოვიდა ირანის ბირთვული პროგრამის შესახებ 2015 წელს ხელმოწერილი ხელშეკრულებიდან. აშშ-მა თეირანს სანაცვლოდ განუახლა სანქციები, რომელთა სამიზნეა ირანის სანავთობო და საფინანსო სექტორები.