Ամուսինը տանը հրազենը մաքրելիս պատահաբար կրակել է կնոջը
Օգոստոսի 20-ին, ժամը 01.15-ին, «Սևան» բժշկական կենտրոնից հաղորդում է ստացվել, որ «հրազենային վնասվածք» ախտորոշմամբ իրենց մոտ է տեղափոխվել 65-ամյա մի կին: Նա հայտնել է, որ ամուսինը տանը հրազենը մաքրելիս պատահաբար կրակել է: Այս մասին հայտնում են ՀՀ ոստիկանությունից։
Մեկնած օպերատիվ խումբը պարզել է, որ 72-ամյա ամուսինը պատահաբար կրակել է ապօրինի պահվող «ՏՕԶ-8» մոդելի ակոսափող հրացանով:
Հրացանն առգրավվել է:
Նշանակվել է դատաձգաբանական փորձաքննություն:
Նախապատրաստվում են նյութեր:
The post Ամուսինը տանը հրազենը մաքրելիս պատահաբար կրակել է կնոջը appeared first on ԳԱԼԱ.