Ўзбекистон маҳсулотларини энг кўп сотиб олаётган давлат Хитой бўлиб қолмоқда
Билдирилишича, Ўзбекистондан экспорт қилинаётган товарларнинг 16 фоизини Хитой сотиб олади. Россияга 13 фоиз, Қозоғистонга 8 фоиз, Туркияга 6 фоиз, Қирғизистонга 4 фоиз, Афғонистонга 3 фоиз ва Тожикистонга 1,6 фоиз маҳсулот экспорт қилинади.
Ўтган йили маҳсулотлар 144 давлатга экспорт қилинган бўлса, жорий йилда уларнинг сони 151тага етди.
Ҳисоботда таъкидланишича, 2019 йилнинг январидан июлигача 10 миллиард 800 миллион долларлик маҳсулот экспорт қилинган. Бу эса 2018 йилнинг шу даврига нисбатан 44, 5 фоизга кўпдир.