უკრაინის ვადამდელ არჩევნებზე 1700 საერთაშორისო მეთვალყურეა ჩასული
გავრცელდა ცნობა, რომ უკრაინის შინაგან საქმეთა სამინისტრომ აღრიცხვა 218 დარღვევა. ყველაზე გავრცელებული ფორმა დარღვევისა არის უკანონო აგიტაცია. დაფიქსირდა ასევე კომისიების მუშაობაში დარღვევა და უბნების გვიან გახსნა.
საარჩევნო უბნების დახურვის შემდეგ ცნობილი გახდება ეგზიტპოლების შედეგები. ცენტრალური საარჩევნო კომისიის საბოლოო შედეგები უნდა გამოქვეყნდეს 5 აგვისტომდე.
ვადამდელი არჩევნების ინიციატორი იყო უკრაინის ახლად არჩეული პრეზიდენტი ვლადიმირ ზელენსკი. მისი პარტია, „ხალხის მსახური“ არჩევნების ფავორიტია, თუმცა მას შეიძლება მოუწიოს კოალიციაში გაერთიანება რომელიმე სხვა პარტიასთან.
უკრაინის პარლამენტში 450 ადგილია. ვადამდელი არჩევნების შემდეგ დაკავებული იქნება მხოლოდ 424 ადგილი, რადგან რუსეთის მიერ ანექსირებული ყირიმსა და აღმოსავლეთი უკრაინის სეპარატისტული რეგიონებშიარჩევნები არ ტარდება.
უკრაინის კანონმდებლობით, 225 დეპუტატს პროპორციული სიით ირჩევენ, 199-ს კი მაჟორიტარულით. არჩევნებში 22 პარტია მონაწილეობს.