«Қонундаги ўғри» Шакро Молодой энди Москвадаги казинони қўлга олганликда айбланди…
Ҳуқуқни муҳофаза қилиш ташкилоти ходимларининг айтишича, бир пайтлар ўғрибошига нисбатан қўзғатилган жиноий ишлардан бири номаълум сабабларга кўра йўқолиб қолган. Полициячилар у кабинетга олиб киришган, бунисига олиб киришган, оқибатда иш ғойиб бўлган. Мана, яқинда жиноий иш тикилган китобни йўқотганлар аниқланиб, улар зиммасига топиш мажбурияти юкланди. Қарангки, топилди. Жуда қисқа фурсатда пайдо бўлди. Бунга кўра, Захарий Калашов, яъни, жиноят оламида Шакро Молодой лақаби билан машҳур ўғрибоши ўшанда Москва шаҳридаги казинолардан бирини тунаш, казино эгаларини ўзига бўйсундириш, улардан доимий тарзда пул ундириш билан шуғулланган. Бу масалада полициячилар, хорижлик алоҳида шахслар унга шерикчилик ҳам қилган. Агар айби исботланса, ўғрибоши яна қўшимча жазо муддатига эга бўлади.