Բրիտանակաան փոքր ընկերությունները պատրաստ չեն «Բրեքզիթ»-ին
«Կա մեծ տարբերություն խոշոր ընկերություննեի և փոքր ձեռնարկությունների միջև»,- Sky News հեռուստակայանին ասել է «Բրեքզիթ»-ի հարցերով նախարար Սթվեն Բարքլայը:
Փորձագետների համոզմամբ, արտասահմանյան գործընկերների հետ համագործակցող բրիտանական խոշոր ընկերություններն ունեն ավելի ամուր դիրքեր և պաշտպանվելու լծակներ, մինչդեռ փոքր մասնավոր ձեռնարկությունները պատրաստ չեն և կարող են անակնկալի գալ ու կորուստներ կրել այն դեպքում, եթե Բրյուսելի հետ պայմանագիր չլինի:
«Այդ փոքր ընկերությունների սեփականատերերը լսում են օրենսդիրների հավաստիացումներն այն մասին, որ մտահոգվելու կարիք չկա, քանի որ անպայման կլինի պայմանագիր, և չեն պատրաստվում հնարավոր բարդ վիճակներին»,- ասել է նախարարը:
«Բրեքզիթ»-ը մեկնարկելու է հոկտեմբերի 31-ին: Պահպանողական վարչապետ Թերեզա Մեյն առաջիկայում ազատելու է պաշտոնը:
Պահպանողականների լիդերի և վարչապետի հավանական թեկնածու է համարվում նախկին արտգործնախարար Բորիս Ջոնսոնը: