НҰР-СҰЛТАН. ҚазАқпарат - 2017 жылдың 12 сәуірінде Елбасы Нұрсұлтан Назарбаевтың еліміздің болашағы үшін айтарлықтай орны бар, бүгінгі ұрпақтың ертеңі үшін ерекше бағдарламаларды қамтыған «Болашаққа бағдар: рухани жаңғыру» мақаласы жарияланған болатын. Осы ел бағдарын айқындайтын бағдарламаның концептуалды маңызы ескеріліп, маусым айының соңында «Рухани жаңғыру» қазақстандық қоғамдық даму институты» акционерлік қоғамы құрылды. Енді бағдарламада айтылған ойлар мен тұжырымдарды ғылыми тұрғыда негіздеп, өмірде жүзеге асыру үшін нақты қолға алынарына сенім мол.
