Жадидлар олтин авлод эди. Манзилни аниқ белгилаб берувчи йўлбошчиси бўлганида, кўп эҳтимол бу қадар парокандаликка учрашмас, аро йўлда қолиб кетишмасди. Натижани биласиз: - уларнинг қай бири хонликни қўмсашга тушди; - қай бири қизиллар қўшиғини ҳиргойи қилди; - қай бири асосини йўқотган кўрдек олдинга қараб саросар кетаверди. Айрилган жамоатни душман ўта осон маҳв этди. Шунга ўхшаш кўп тарихий ҳодисалардан чиқарган хулосам: Олтин авлод чиқишининг ўзи кифоя қилмас экан, шу авлодга монанд пешво ҳам чиқиши лозимки, уларнинг тажрибасиз туйғуларини фикр мезонида бошқариб турмоқ учун, амалларнинг холис бўлишини таъминламоқ учун... Саодат асри юлдузлари тарих чангалзорларида қолиб кетишмаганига, ихлос ва тартиб ила манзилга ета олишганига асосий сабабни англагандирсиз?! Манба: Xabar.uz
