Киләсе елда хезмәт хаклары артырга тиеш. РФ Хөкүмәте рәисе шулай кушкан
Россиядә киләсе елга хезмәт хакларын индексацияләү тәртибенә кагылышлы мәсьәлә каралачак.
РФ Хөкүмәте рәисе Дмитрий Медведев Финанс министрлыгына, Хезмәт һәм социаль яклау министрлыгына, Сәламәтлек саклау министрлыгына шундый йөкләмә биргән.
Хезмәт хакларын һәм социаль түләүләрне индексацияләү, шулай ук кайбер категория гражданнарга социаль ярдәм күрсәтү мәсьәләсе якын киләчәктә эшкәртелергә тиеш.
Моннан тыш, бюджет проектларын формалаштыру кысаларында Пенсия фондының бюджет дефицитын каплау өчен ФНБдан акча бүлеп бирү мәсьәләсе дә эшкәртелергә тиеш. Искәртеп үтәбез, узган ел йомгаклары буенча Россиядә Пенсия фонды бюджеты дефициты 31 млрд сумга җиткән.