Россияда мактаб ўқувчилари учун дарсликларни сунъий интеллект ёзади…
Қозон университетининг бир гуруҳ олимлари мактаб ўқувчилари ва университетлар талабалари учун дарсликларни сунъий интеллект зиммасига юклашни мўлжаллашмоқда. Шунда дарсликлар янада тушунарли, фойдаланиш учун қулай бўлади. Ўқувчи ва талабалар дарсликлардан фойдаланишда жиддий қийинчилик ёки тушунмовчиликларга дуч келишмайди.
Сунъий интеллект дарсликлардаги мураккаб масала ва мисолларни ҳам ўқувчига тушунарли кўринишда бера олади.
Ҳозирги кунда сунъий интеллект ўта мураккаб компьютер ўйинларида манаман деган профессионалларни ҳам ютиб кетмоқда. Бундан ташқари, астрономларга янги сайёраларни топишда, полициячиларга ўғирлик, қотиллик жиноятларини очишда ва шу каби кўплаб мураккаб вазифаларни бажаришда ёрдам бермоқда. Олимлар ишонадики, дарсликлар сунъий интеллект тарафидан тузиб чиқилса, таълим соҳасида янги тараққиёт асри бошланади.