Гуьржийн Iедал а, протестхой а вовшашца лараме хиларе кхойкху Тбилисерчу Iамеркан векалто. Телхаш ду шахьарара хьал
«Оха тергалдо Тбилисера хьал, парламентна хьалха хуьлуш дерг. Тхо кхета, мел хала ду нахана тахана. Кхойкху аг1онаш собаре хиларе, Гуьржийчохь лела конституци ларъяре», боху Iамеркан векалто шен кхайкхамехь.
Парламентан спикере, чоьхьарчу г1уллакхийн министре, къайлахчу сервисан буьйранчига даржаш охадахкар тIедожадо кху муьрехь а протестан акцехь лаьттачу эзарнаш бахархоша.
Резаьнкин даьндаргийн герз детта, бIаьргех хидоккху газ яржайо полицино парламентна гонах лаьттачу протестхошна дуьхьал.
Гуьржийчоьнан могашаллин министралло бинчу хаамца, Руставелин майданахь йоьдучу акцин декъашхойх лазийна 14 протестхо а, 38 полисхо а.