Франция собиқ президенти устидан суд жараёни бошланди…
Франция собиқ президенти Николя Саркози 2013 йилдаёқ коррупция жиноятлари содир этганликда айбланган. 2018 йили уни ҳибсга олишганди. Куни кеча шу масалага бағишланган суд жараёни бошланди. У билан бирга адвокати Жаклин Лаффон ҳам суд қора курсисидан жой олди.
Тергов материалларида таъкидланишича, Николя Саркози президентлик сайловлари жараёнида Ливиянинг ўша пайтдаги раҳбари, марҳум Муаммар Каддафи тарафидан жуда катта миқдорда моддий кўмак олган. Маблағ яширинча йўл билан Саркозининг қўлига келиб тушган. Буни ливиялик тадбиркор Зиёд Тақиддин тўлиқ тасдиқлади. Тадбиркор айтдики, 2006-2007 йиллар оралиғида шахсан унинг ўзи Триполидан 5 миллион евро миқдоридаги нақд пулни Саркозининг қўлига топширган. Пуллар Каддафи фармонига асосан Францияга етказилган.