Зәй районы Куш-Елга авылы сөтчелек комплексында республика программасы кысаларында корпуслар төзекләндерелү дәвам итә. Бу көннәрдә биредә киңәшмә узды. Анда ТР Авыл хуҗалыгы министрлыгы бүлек башлыгы Илдар Гафуров, төзелешне алып баручы оешмалар катнашты. Шунысын да әйтик, Аксар, Поручик, Сәвәләй һәм Чыбыклы терлекчелек комплексларында да “70кә 30” республика программасы буенча төзекләндерү эшләре башкарылачак.