Автобус белән булган һәлакәттән яңа хәбәрләр
Юл-транспорт һәлакәтенә юлыккан Казан автобусының шоферы пассажирлар ташучы фирма хезмәткәре түгел, дип хәбәр итә кайбер чыганаклар.
ТР Карате федерациясе транспортны шәхси компаниядән яллаган булган. Оешма автобус белән бергә 20 елдан артык стажы булган Андрей Платоновны биргән. Икенче шофер исә «Медтехника» компаниясендә эшли торган кеше булып чыккан. Ул пассажирлар ташучы фирмада исәптә тормаган. Аңа бары тик командировкага барып акча эшләп кайтырга тәкъдим иткәннәр. Ул ризалашкан. Хәзер гаепле шофер Гатиятов шифаханәдә. Кызганычка каршы, шоферларның берсе - Платонов һәлак булган.