Երիտասարդ ավստրալուհին կորցրել է իր քաշի կեսն ու պատմել իրեն օգնած հասարակ հնարքի մասին
Ավստրալուհին, որը նիհարել է 63 կգ-ով, պատմել է հասարակ հնարքի մասին, որն օգնել է իրեն վերականգնել կազմվածքը:
Ինչպես գրում է Lenta.ru-ն՝ հղում անելով բրիտանական աղբյուրին, Քուինսլենդի բնակչուհի Ջոզեֆին Դեսգրանդը 120 կգ էր կշռում: Ավելորդ քաշի խնդիր նրա մոտ առաջացել էր քաղցրի նկատմամբ մոլուցքի պատճառով:
«Ես միշտ թմբլիկ եմ եղել: Ես ու ընտանիքս շատ էինք սիրում ուտել, այդ պատճառով էլ տանը միշտ կարելի էր շոկոլադ և թխվածքաբլիթ գտնել: Սակայն մի օր ես նայեցի հայելու մեջ և հասկացա, որ իմ մարմինը եռակի մեծացել է: Ես փորձում էի նիհարել, սակայն ինձ խանգարում էր քաղցրի հանդեպ տարվածությունը», - խոստովանել է աղջիկը:
Դեսգրանդը պարզ միջոց է մտածել իր սովորության դեմ պայքարելու համար. ամեն անգամ, երբ ցանկանում էր ուտել հերթական քաղցրեղենը, նա անանուխ էր ծամում: Բացի այդ, նրան օգնել են ոգեշնչող տեսանյութերն ու հրապարակումները համացանցում: Նրա խոսքով՝ «նորմալ մարդկանց լուսանկարները խրախուսում էին իրեն հրաժարվել վնասակար սովորություններից»:
Այժմ 19-ամյա Ջոզեֆինն արդեն 3 տարի ապրում է առողջ ապրելակերպով: Ձերբազատվելով ավելորդ քաշից՝ ավստրալուհին դարձել է ֆիթնես-բլոգեր, որը ներկա պահին 130 000 հետևորդ ունի: