Божхонанинг собиқ раҳбари Муиджон Тоҳирийга суд ҳукми ўқилди
«Газета.uz» нашрининг 20 майда билдиришча, жиноят ишлари бўйича Тошкент вилоят суди 16 май куни Тоҳирийга мана шундай ҳукм чиқарган.
Муиджон Тоҳирий Жиноят кодексининг 167 -(ўзлаштириш ёки растрата йўли билан талон-торож қилиш), 207 -(мансабга совуққонлик билан қараш) ва 209- (мансаб сохтакорлиги) моддалари билан айбдор деб топилган.
Шунингдек, у 3 йил муддатга раҳбарлик ва моддий жавобгарлик бўлган лавозимларда ишлаш ҳуқуқидан маҳрум этилди ҳамда энг кам иш ҳақининг 400 баробари, яъни 81 миллион 100 минг сўм миқдорида жаримга тортилди.
2016 йилдан 2018 йилгача божхона қўмитасига раислик қилган Муиджон Тоҳирий 2018 йил декабрида коррупцияда айбланиб қўлга олинган эди.
Тохирий божхона қўмитасига раислик қилгунига қадар Миллий хавфсизлик хизмати раиси ўринбосари, 2013 йилдан президент Ислом Каримов хавфсизлик хизматининг бошлиғи бўлиб ишлаган.