Зәй шәһәр прокуратурасы балалар хокукын яклый
Зәй шәһәр прокуратурасы хезмәткәрләре, ана капиталы дәүләт сертификатын кулланып торак сатып алганда закон таләбе бозылуын ачыклады. 256нчы федераль законның 10нчы маддәсе нигезендә ана капиталын кулланып торак сатып алганда ул ата-ананың һәм һәр баланың уртак милке буларак теркәлергә тиеш. Тикшерү барышында Зәйдәге бер гаиләнең ана капиталын кулланып, җир биләмәсе һәм торак йорт сатып алгач, ике балигъ булмаган баласын, милек хуҗасы буларак, теркәмәве ачыкланган. Балалар хокукын яклау максатында шәһәр прокуратурасы судка, торак йорт һәм җир биләмәсе милкен балаларга да өлешләп теркәү мөһимлеген сорап мөрәҗәгать итте. Әлегә ул каралу стадиясендә.