“Шәфкатьлелек атналыгы” кысаларында, Яңа Иштирәк мәктәбендә “Сугыш чоры балалары” исеме астында очрашу үткәрелде. Аңа озак еллар мәктәбебезне җитәкләгән, хәзер авылыбызның мөхтәрәм кешесе- Шамил Гани улы Тәхаутдинов чакырылды.
Сугыш башланганда Шамил абыйга нибары дүрт яшь була. Шуннан бирле ул һаман әтисен көтеп яши.Ул сугыш дигән ачы хәсрәтнең фаҗигасен туганнан ук тоеп, ачлык-ялангачлыкны татып үскән кеше.
- Хәзерге мул тормышны без төштә дә күрми идек, кадерен белегез, тырышып укыгыз, яхшы кешеләр булып үсегез, - дип теләде укучыларга.
Сугыш беткәнгә 70 ел узып бара, әмма аның сагышы күзләрендә яшьләре булып һаман ялтырый.
