Әлмәтлеләр быел нәрсә үстерә?
Район хуҗалыкларында язгы чәчү бара. Бүгенгә 5945 гектарда эш башкарылган инде.
Район буенча терлек азыгы культураларын 21,4 мең гектар, техник культураларны 3,1 мең гектар, бәрәңгене 198 гектар, яшелчәләрне 7 гектар, бөртекле һәм бөртекле-кузаклыларны 46,2 мең гектарда чәчү планлаштырылган. Язгы чәчүне башкарып чыгу өчен 151,319 миллион сум акча кирәк. 31,22 процент күләмендә республика бюджетыннан ярдәм булачак. Әмма акча бармы-юкмы, чәчәргә кирәк. Узган ел 53 миллион сумлык яңа техника сатып алынган. Проблемалар байтак булса да, авыл хуҗалыгы идарәсе начальнигы Извил Габдрәкыйпов район язгы кыр эшләрен башкарып чыгарлык халәттә диде.