რელიგია, რომელიც თანამედროვე გაფურჩქვნად კაპიტალისტურ საქართველოში მეფობს, პრიაპიზმის ნაირსახეობაა, რომელიც დიდი და ძვირფასი ნივთების ფლობითა და მათი საყოველთაო ეგზიბიციონიზმით გამოიხატება. გიგანტური ჯიპები, რომლებიც უფრო ტრაქტორებს ან სატვირთო მანქანებს ჰგავს და თავისი მოცულობით სრულიად შეუფერებელია ქალაქური გარემოსათვის, ერთი მხრივ, მათი მფლობელის სასოფლო-სამეურნეო მენტალიტეტზე მიუთითებს, მეორე მხრივ კი დეფიციტური ფალიკურის ზეკომპენსაციად უნდა იქნეს გაგებული.
