რუსეთის „რბილი ძალის“ პოტენციალი საქართველოში უმნიშვნელო როდია − არაძალისმიერი მეთოდებით დამკვიდრება და გავლენის განმტკიცება მოსკოვს კარგად ეხერხება. ოკუპაციის პერიოდში ერთ-ერთი ყველაზე ეფექტიანი გამოდგა ეკლესიის გავლენა. გიორგი გვახარიასთან საუბარში „წითელი ზონის“ სტუმარი, ჟურნალისტი ლევან სუთიძე, ამბობს, რომ რუსეთის მართლმადიდებელი ეკლესია, მოსკოვის საპატრიარქო ხშირ შემთხვევაში მართავს ქართველ მორწმუნეთა რელიგიურ გრძნობებს და ამგვარად გვევლინება პუტინის „რბილი ძალის“ პოლიტიკის გამტარებლად.
