Халыкта “Игелекле эшләр үзеңә әйләнеп кайта”, дигән гыйбәрә яши. Арабызда безнең ярдәмгә, игътибарга, бер ягымлы сүз, бер ягымлы караш һәм дә инде елмаюыбызга мохтаҗ кешеләр бик күп.
Шуларның барысын да искә алып “Елмаюыңны бүләк ит” акциясе үткәрелде. Әлеге акция кешеләргә күтәренке кәеф бүләк итү һәм әлеге гамәлебез белән үзебез яшәгән җирне аз гына булса да шәфатьлерәк итү максатыннан оештырылды.
6 нчы һәм 7 нче сыйныф укучылары белән бергәләп урамда узган һәрбер кешегә үз кулларыбыз белән ясаган, матур теләкләр язылган “ смайликлар” һәм шарлар бүләк иттек. Авылыбыздагы һәрбер оешмага – почта бүлекчәсе, авыл китапханәсе, “Теремок” балалар бакчасы, авыл Советы, фельдшер-акушерлык пункты, кибет, янгын сүндерү бүлеге, картлар йортына кереп, елмаю һәм бүләкләр өләштек. Бүләкләргә чын ихластан сөенүчеләр дә картлар йортында тәрбияләнүче әби-бабайлар булгандыр, мөгаен. Безне алар үзләренең җырлары, шигыръләре белән сөендерделәр, тьм-том белән сыйладылар. Аларның күз яшьләре аша сөенеп әйтелгән рәхмәт сүзләре безнец кцелне кътьрде.
Гомер бит ул безгә бер генә бирелә. Барлык юк- бар борчуларны күңелгә якын алмыйча, һәрбер аткан таңга куанып, дөньяның матур якларын күрә белеп, бер-беребезгә ихлас елмаю бүләк итешеп яшисе иде. Кемнәрнедер елмаюың белән бәхетле итә алу – үзе үк зур бәхет түгелмени?
Гүзәл Хәбибуллина,
Мәдәният йорты директоры.