Зәйдә арпа чәчүгә керештеләр
Зәй районында күпьеллыклар һәм көзге культураларны тукландыру дәвам итә. Бүгенге көнгә район буенча барлыгы 12900 гектарда көзге культуралар, 8100 гектарда күпьеллыклар тукландырылды. 19 апрельдә исә “Восток” агрофирмасы арпа чәчүгә кереште, барлыгы 100 гектарда арпа чәчелде.
Хуҗалыкларга минераль ашламалар кайтару эше дәвам итә: 5500 тоннадан артык аммиак селитрасы, 2100 тонна бюджет хисабына бирелүче ашлама кайтартылды. Район буенча бер гектар чәчүлек мәйданга 66 килограмм ашлама тупланды. Тукай орлыкчылык заводыннан агрофирмаларга арпа һәм язгы бодай орлыклары кайтарту эше дә бара.